أحلم من اللي يمنع الحلـم يـا صـاح

أحلم من اللي يمنع الحلـم يـا صـاح
واسلك دروب الخير وابلـغ طموحـك
دام الامل فـي القلـب لازال وضـاح
اشعل شموع الفرح وابني صروحـك
ومادام بالك من عناء الهـم مرتـاح
انصحك زيل اللـي يسبـب جروحـك
بعدك صغير السن والحـظ مـا طـاح
ارسم مبادي خطوتـك وسـط لوحـك
احزم امورك واشرب الماء من اسفاح
زم الكرع غذي مـن العلـم روحـك
وابعد من اللـي لاآخـذ مطلبـه راح
وخل صمتك حكمتـك فـي سروحـك
خلي جسور المعرفه سيـف واسـلاح
ان كان اعصـار الزمـن بايشوحـك
ولا يغـرك وقـت لـو كـان مـزاح
احسب لليلـه خاليـه مـن مزوحـك
وأقبل علـى الدنيـا بهمـه واللحـاح
ولا تآجـل للمسـاء مـن صبوحـك
واضمن من الدنيا المفاعيل الاطمـاح
واجعل من الاسلام مصـدر طروحـك
خذ من تواضع عزتك طيب الافـراح
وخذ.. للمصايب حكم واطلق جموحـك
الطير ما جاب السماء.. بريش واجناح
والا النعام.. أولـى يعلـي سفوحـك
هذي حكم من يجرع الوقـت بمـلاح
لو ما نفـع ماضـر يبغـي جنوحـك
واليافعي فـي حكمـة الـراي سبـاح
برغم صغر السـن تلقـى صلوحـك
خل الامل في داخـل القلـب سـواح
واقطف فرص دنياك تبلـغ نجوحـك
من يمنعك اقطف من الحلم الاصبـاح
بس عـاد بالافعـال حقـق طموحـك